Kinulong ng Hong Kong court ang dating relationship manager ng China Construction Bank (Asia) ng apat na taon matapos niyang tanggapin ang mahigit $470,000 na Tether (USDT) kapalit ng pag-authenticate ng mga pekeng bank documents na may stated value na lagpas $1.6 billion.
Sinabi ng Independent Commission Against Corruption (ICAC) na si Lam Chun-yin, 32, ay nagtatrabaho bilang consumer banking staff sa branch ng Causeway Bay. Hindi kasama sa trabaho niya ang paghawak ng letters of credit at hindi rin siya binigyan ng authority ng bangko para dito.
Paano Ginawang “Guarantor” ang Isang Retail Banker Dahil sa Crypto Bribery Scheme
Nag-ugat ang mga dokumentong to sa Vesttoo Limited, isang overseas fintech company na ngayon ay nagsara na. Ang platform na ito ay ginagamit dati para sa mga investment deal na may kinalaman sa insurance. Kinailangan ng mga investors na mag-post ng bank-issued standby letters of credit bilang garantiya.
Pumasok bilang investor ang Yu Po Holdings Limited sa platform noong early 2022. Tapos, may sindikato na nag-ayos para kay Lam na magpanggap bilang contact person ng China Construction Bank Corporation para mag-issue ng mga garantiya.
Mula April hanggang June 2022, nakipagsabwatan si Lam sa isang department head ng Vesttoo at mga kasabwat para tumanggap ng Tether, ayon sa ICAC. In-authenticate niya ang mga standby letter of credit na kunwaring galing daw sa bangko, pati dalawang collateral letters na kunwari mula sa Yu Po at endorsed ng company na yon.
“Na-buking ang insidenteng ito sa isang internal investigation ng CCB (Asia), kaya nagreklamo agad ang bangko sa ICAC tungkol sa korupsiyon at nagbigay ng buong tulong sa imbestigasyon. Lumabas sa pag-iimbestiga ng ICAC na hindi nag-issue ang CCB o mga sister company nito ng kahit alin sa mga tinutukoy na standby L/Cs at collateral letters,” ayon sa press release ng ICAC.
Ginawang basehan ni Judge Ernest Lin Kam-hung ang anim na taon na kulong at binawasan ito ng isang-katlo dahil umamin si Lam. Inutusan din siya na bayaran ang CCB (Asia) ng halos HK$3.7 million na katumbas ng nakuha niyang bribe.
I-follow kami sa X para sa mga pinaka-latest na crypto news
Crypto, Paulit-ulit Nang Nakikita sa Hong Kong Crime Reports
Sabi ng ICAC, sinubukan ng mga sangkot na pagtakpan ang kanilang scheme sa pamamagitan ng pagpapadaan ng mga bribe gamit ang cryptocurrency. Nagsumite na rin ang agency ng request sa korte para maglabas ng arrest warrant laban sa mga iba pang kasabwat sa kaso.
May iba pang kaso ng digital assets na naitala sa city. Sa 2025, nag-freeze ang Hong Kong police ng virtual assets na umaabot sa HK$480 million.
Noong November 2025, kinasuhan din ng city ang 16 katao dahil sa isa pang virtual asset trading platform fraud. Nasa 2,700 biktima ang nadamay at lumampas sa HK$1.6 billion ang nalugi.
Habang nagpapapatuloy pa ang paghahanap ng ICAC ng mga dapat pang hulihin, mukhang hindi pa tapos ang Hong Kong chapter ng Vesttoo scam.