Bagsak ng 5.90% ang presyo ng Micron Technology (NASDAQ: MU) noong Biyernes, July 31, na nag-close sa $823 per share. Nasa 39% na ang binaba nito mula sa pinaka-mataas na presyo ngayong taon.
Hindi lang isang US chipmaker ang natitinag sa matinding pagbagsak na ito. Lalo pang nailalagay sa pressure ang market dahil plano ngayon ng SK Hynix at Samsung na gumastos ng hanggang $1.3 trillion para sa mga bagong planta. Ganito rin ang nangyari sa SanDisk, isa pang US memory maker, na bumagsak ng 41% sa nakalipas na buwan.
Bakit Nag-uunahan ang Mga Kumpetidor na Palakihin ang Capacity
Para sa mga opisyal ng South Korea, kasama sa isang national plan ang expansion na ito para mapanatili sa AI era ang dominance nila sa chip supply. Ang balita tungkol sa kabuuang investment ng Samsung at SK Hynix ay pumapalo mula $575 billion hanggang $1.3 trillion, na nagpapakita kung gaano kabilis tumaas ang gastos ngayong taon.
Malaki ang inakyat ng Micron nitong mga nakaraang buwan, pero malaki rin ang ibinaba nito. Image Source: Trading View
Mataas pa rin ang demand para sa high bandwidth memory na gamit sa AI accelerators, at nauubusan pa rin ng supply mahigit isang taon na. Sinabi mismo ng management ng Micron na hindi nila inaasahan na liliwanag ang sitwasyon na to hanggang 2028.
Nagdulot ang supply issue na to ng pagkabagsak ng SK Hynix stock ng 13% dahil sa capex concerns. Habang nag-aannounce naman ang Samsung ng 1,800% profit jump nitong nakaraang quarter, mas lumalaki rin ang hype sa Chinese challenger na CXMT, na tuloy-tuloy ang pag-akyat ng stock price simula ng IPO nila.
Ano ang Ibig Sabihin Nito Para sa US Chipmakers
Kasalukuyang nagte-trade ang Micron sa forward price to earnings ratio na nasa 19.8, at may market cap na nasa $930 billion. Sa kabila ng bearish na mga technical indicator, marami pa ring analysts ang nagre-rate dito bilang “strong buy.”
Ganon din ang sitwasyon ng SanDisk. Sunog ang malaking parte ng rally nila dahil sa pagbagsak ng stock, pero kung titignan, meron pa rin silang year-to-date gain na mga 362%. Ibig sabihin, grabe pa rin ang lipad ng mga memory stocks bago magka-pullback ngayon.
Hati naman ang opinyon ng analysts pagdating kay Micron. May analysis na nagsa-suggest na pwede umakyat sa halos $1,000 ang stock nila bawat share pagdating ng mid-2028, kung mananatili ang lakas ng presyo. Pero may mga nagsabi rin na baka masyadong tumaas ang gastos sa AI infrastructure, kaya possible na maghinay ang mga hyperscaler bago pa tuluyang maging operational ang dagdag capacity ng Micron, gaya ng mga bagong planta sa Idaho at New York.
Maglalabas ng earnings report ang Micron sa September 29, na magsisilbing indicator kung kakayanin ng US chipmakers na panatilihin ang presyong mataas kahit nagpapatuloy ang race ng SK Hynix, Samsung, at CXMT para dagdagan ang capacity.