Nag-uunahan na ang mga biotech company na gumawa ng bagong gamot para sa pagkapanot matapos ang halos tatlong dekada na walang bagong treatment — at todo na rin ang pagposisyon ng mga investor para kumita dito.
Hindi nagpapahuli ang Veradermics, Absci, at Cosmo Pharmaceuticals sa pagbuo ng pill, injection, at topical na gamot laban sa pattern hair loss — isang kondisyon na wala pang bagong approved na therapy simula late 1990s.
Tinututukan ng Hair Loss Biotech Companies ang Market na Gigil na sa Solusyon
Naaapektuhan ng pattern hair loss ang tinatayang nasa 50 million na lalaki at 30 million na babae sa United States, ayon sa Bloomberg. Sa ngayon, puro luma nang gamot ang available — minoxidil at finasteride — pero pareho itong may side effect tulad ng palpitations at nababawasan pa ang sex drive.
Nasa development pa lang ang oral pill na VDPHL01 ng Veradermics (NYSE: MANE) pero halos 500% na ang tinaas ng stock nila mula nang mag-IPO sila nitong February. Panay test naman ang Absci (NASDAQ: ABSI) ng injection na kailangan lang gawin 2–3 beses kada anim na buwan, at doble na rin ang value ng shares nila ngayong taon.
Naglabas na rin ng positive result sa late-stage trials ang Cosmo Pharmaceuticals para sa topical solution nila, pero mas maingat ang performance nito kumpara sa mga US na kalaban nila.
Parang GLP-1 Wave Din ang Target ng Mga Investor
Malakas ang hype sa market ngayon, parang nangyari noon sa Eli Lilly — na totally binago ang tingin ng mga investor sa health biotech. Ang weight loss drugs nila ang nagpauso ng shift na yon.
Halos 350% na ang tinaas ng stock ng Eli Lilly nitong past 5 years — at karamihan dito, galing sa GLP-1 drugs nilang Zepbound at Mounjaro. Image Source: Trading View
Pumasok na rin ang Eli Lilly, nag-invest sila ng $40 million sa Absci dahil naniniwala silang possible ring mag-work ang same injectable formula na pampatubo ng buhok.
“Malaki ang market ng obesity at hair loss, kaya tingin namin, malaki rin ang puwedeng kitain dito.”
– Geoff Hsu, portfolio manager sa OrbiMeds Biotech Growth Trust, Fortune
Wala pang approved na produkto ang tatlong companies na to. Pina-maagang regulatory filing, baka 2027 pa. Pero kahit ganoon, pinapasok na ng investors ang stocks dahil mataas ang inaasahan nilang demand bago pa makalabas ang kahit isang gamot sa mga pharmacy.