Noong January 5, 2024, isang lalaki ang nagpunta sa Hotel El Avila sa Caracas, Venezuela dala ang isang USB stick. Nasa loob nito ang nasa $60 milyon na Tether (USDT). Galing ang pera sa state-controlled oil refiner ng Poland — pero hindi dumating ang binayarang oil.
Ayon sa Financial Times, nalugi ang state refiner ng Poland na Orlen nang halos $424 milyon, kaya ngayon tatlo sa dating mga manager nila ang nahaharap na sa criminal charges.
Deal na Pinag-usapan sa Yacht
Nagsimula ito sa Abu Dhabi noong November 2023, kasabay ng Formula 1 weekend. Nag-meet sa isang yacht ang boss ng Orlen Trading Switzerland at isang 25-year-old na trader mula Hong Kong.
Noong November 29, pumirma sila. Bibilhin ng Swiss unit ng Orlen ang 6 million barrels ng Merey 16, isang murang heavy crude oil ng Venezuela, para sa $345 milyon.
Hindi pa umaabot ng limang araw, nag-transfer agad sila ng $230 milyon. Walang collateral. Walang bank guarantee.
Naging Token ang Pera
Dahil sa US sanctions, hindi na maka-transact sa dollar banking system ang state oil company ng Venezuela na PDVSA. Kaya ginawa nilang USDT, isang digital token na naka-peg sa US dollar, ang pera, tapos pinaikot sa mga broker sa Dubai.
Mahigit $132 milyon na USDT ang naipasa gamit lang ang mga USB drive sa loob ng mga hotel at restaurant sa Caracas. Isang palit ng $135 milyon, naging $85 milyon na lang — yung kulang na $50 milyon, naiipit pa sa korte sa UAE.
Hindi na ito bago. Na-report na ng BeInCrypto nitong April 2024 na gumamit ang Venezuela ng Tether para gumalaw pa din ang pera nila mula oil exports.
Hinintay ng mga Barko, Pero Wala Pa Rin
Anim na chartered tanker ang tumambay lang sa karagatan ng Venezuela nang ilang buwan — umalis lang silang empty o napunta sa ibang buyer. Umabot ng nasa $72 milyon ang gastos lang nila sa shipping.
Sabi ng PDVSA, ni sentimo raw ay wala silang natanggap.
“…hindi nag-allocate ng kahit anong cargo sa Orlen o sa mga middleman nila dahil hindi pa sila bayad,” ayon sa report ng Reuters, base sa pahayag ng PDVSA.
Kinasuhan ng mga prosecutor sa Warsaw ang tatlong dating executive noong August 7 sa kapabayaang protektahan ang 1.5 billion zloty (o mga $378 milyon) na asset ng kumpanya. Pwede silang makulong hanggang 25 taon.
Pero eto yung uncomfortable na part — crypto ang detail na paulit-ulit na tinutukoy ng lahat. Pero sa totoo lang, talo na talaga ang pera mula pa noong pina-wire transfer ng state company ang $230 milyon sa mga taong hindi man lang nila hawak ang kahit anong garantiya.