Umabot na siguro ng mahigit $1 million ang kinita ng Trump Media mula sa mga trading firm na nagbabayad para makauna sa mga post ni President Trump sa Truth Social, ayon sa kumpirmasyon ng kumpanya nitong Lunes.
Mahigit 10 high-frequency trading firm na ang nagsu-subscribe sa service na ito, na tinatawag nilang Truth API. Nagbabayad sila ng nasa $60,000 hanggang $100,000 kada buwan para mas mabilis na makita ang mga post na pwedeng makaapekto sa galaw ng market.
Paano Gumagana ang Truth API
Pinag-usapan ang Truth API simula pa noong August. Nag-launch ito para bigyan ng machine-readable access ang mga subscribers sa posts ng Truth Social accounts na may pinakamaraming followers, kasama na syempre ang account ni Trump mismo.
Dahil may nasa 10 na subscribers na agad at ang bayad ay $60,000 hanggang $100,000 kada buwan, umaabot agad ng higit $1 million ang kita nila bawat buwan. Si Interim CEO Kevin McGurn ang nagbunyag tungkol sa price range na yan sa kauna-unahang earnings call ng Trump Media. Tawag nga niya dito, “the early innings” o umpisa pa lang daw talaga.
Trump: The Ultimate Market Indicator
Among all market indicators, Trump remains one of the best.
Last year in early April 2025 (around April 9), while markets were tanking amid the tariff panic and many 'fake furus' were screaming to stay in cash and hoard reserves, Trump…
Sinabi rin ni McGurn na may mga active na pag-uusap sila ngayon sa mga artificial intelligence firm. Bukod pa diyan, magkakaroon din daw ng retail-trader tier soon para sa mas marami pang user.
Kinukwestyon ng mga Mambabatas
Pinuna ng ilang mambabatas ang ganitong setup. Sabi nila, parang nagbibigay daan ito para kumita ang kumpanyang hawak ng pamilya ni Trump mula mismo sa mga post niya na nakakaapekto ng market.
Pinadalhan ni Representative Jamie Raskin ng sulat si McGurn noong July para hingan ng kumpletong listahan ng mga subscribers, lalo nat mas lumalaki ang init ng isyu tungkol sa Truth Social subscription fees.
Sa ibang banda, pinush din ng mga Democratic lawmakers ang opisyal na SEC investigation para imbestigahan ang service na ito. Sabi nila, parang binibenta raw nito ang maagang access sa mga balitang pwedeng magpagalaw ng market na konektado pa mismo sa pagiging presidente.
Naluluging Negosyo pa rin Para kay Trump
Sa kabila ng bagong kita mula sa Truth API, nalulugi pa rin ang pangunahing negosyo ng Trump Media. Umabot ng $238 million ang net loss nila nitong second quarter, na halos sampung beses na mas malaki kumpara noong nakaraang taon.
Nasa $1.7 million lang ang revenue nila, ngunit tumaas ito ng 89% kumpara last year. Ang problema, karamihan ng lugi ay dahil sa unrealized losses sa Bitcoin at mga equity holdings nila.
Diretsong sinabi ni Markus Thielen ng 10x Research sa BBC na parang mas crypto fund pa ang galaw ng Trump Media imbes na media company.
Ano ang Susunod？
Kakailan lang, umatras ang Trump Media sa plano nilang prediction-market venture kasama ang Crypto.com. Ang move na ito ay swak sa paglamig ng crypto ambitions nila sa ilalim ni McGurn.
Plano pa rin ng kompanya na tapusin ang merger nila kasama ang fusion firm na TAE Technologies. Inaakala ni McGurn na dapat natapos na ang deal na to ilang buwan na ang nakakaraan.
Bumaba ng 9% ang shares nila nitong nakaraang limang araw matapos ang rally nila dati. Abang ngayon ang mga investor kung magtutuloy-tuloy ba ang Truth API bilang solid na pagmumulan ng kita na pinapangako ni McGurn.