Pinangalanan ni onchain investigator ZachXBT ang isang threat actor mula US na si Tiffany Milanovich, na konektado sa hindi bababa sa $5 milyon na crypto theft gamit ang fake support calls.
Ayon sa mga natuklasan ni ZachXBT, nagtrabaho si Milanovich bilang “caller” — siya yung tumatawag sa mga biktima habang nagpapanggap na support staff, tapos kinukumbinse sila na ibigay ang access sa kanilang crypto. Sinabi din niya na may mga video si Milanovich na ni-record kung saan pinagtatawanan pa niya ang mga biktima pagkatapos kuhanin ang kanilang pondo.
Paano Gumagana ang Impersonation Scheme na To
Bilang parte ng isang grupo, ginampanan ni Milanovich ang role ng “caller” na nagpapanggap bilang support ng hardware wallet at centralized exchange.
Base sa report, may isang kasamahan siyang gumagamit ng mga alias na “bled” at “harm” na nagpo-provide ng phishing-panel infrastructure na kailangan para sa scam.
Noong June 2026, may isang biktima na nawalan ng $1.2 milyon sa Bitcoin (BTC) at Ethereum (ETH) matapos ma-drain ng grupo ang Trezor wallet niya. Nagsimula ang attack pagkatapos makatanggap yung biktima ng spoofed email galing sa “Patricia Massie” na peke pala. Sinabi ni ZachXBT na marami sa mga nanakaw na funds ang naka-hold pa rin onchain at di pa nagagalaw.
Meron ding mas maagang case noong October 2025 kung saan nawalan ng $500,000 worth ng Bitcoin ang isang biktima dahil naubos ng grupo ang Coinbase account niya. Ayon kay ZachXBT, nagreklamo pa raw si Milanovich tungkol sa bahagi niya sa loot at siya pa mismo nag-post ng screenshot ng withdrawal.
I-follow kami sa X para updated ka sa pinakamainit na crypto news
1/ Meet Tiffany Milanovich, a US based threat actor tied to at least $5M in thefts from hardware wallet and centralized exchange support impersonation scams.
She's recorded herself taunting victims on calls after draining their funds.
Tiffany openly flaunts luxury purchases,… pic.twitter.com/mRMD4yhWiz
— ZachXBT (@zachxbt) August 10, 2026
Paano Ginastos ni Milanovich ang Ninakaw na Crypto
Sabi ng investigator, ipinapakita pa raw ni Milanovich sa social media ang mga nanakaw na crypto, mga mamahaling gamit na nabili, pati ang pagsusugal sa casino. May pagkakataon pa nga na ginamit niya mismo ang crypto ng biktima para magsugal sa casino. Dagdag pa ni ZachXBT, mukhang may mga “flex” videos si Milanovich na na-edit para magmukhang mas malaki ang nanakaw nila kaysa sa totoong halaga.
Konektado rin daw si Milanovich kay John “Lick” Daghita, isang scammer na unang ibinunyag ni ZachXBT nitong January dahil sa umanoy pagnanakaw ng crypto na nasamsam ng US government. Naaresto si Daghita sa Saint Martin noong March.
“Si Tiffany, na matagal nang malapit kay John, nirecord siya sa isang call tapos shinare ito para asarin siya. Gumanti si John sa pamamagitan ng pag-post ng pangalan ni Tiffany sa public Telegram channel niya,” kwento ng crypto sleuth.
Last night, John Daghita – a U.S. government contractor who allegedly stole more than $46 million in cryptocurrency from the U.S Marshals Service – was arrested on the island of Saint Martin by the French Gendarmeries premier elite tactical unit in a joint operation with the… pic.twitter.com/3ttochgbjk
— FBI Director Kash Patel (@FBIDirectorKash) March 5, 2026
Kabilang ang mga ganitong scam sa patuloy na lumalaking kaso ng impersonation fraud. Sabi ng FBI, mahigit 80,000 tech-support at government impersonation complaints ang naitala noong 2025, na nagtala ng lagpas $2.9 billion na losses. Bukod pa diyan, ini-report ng Chainalysis na tumaas ng halos 1,400% ang crypto impersonation scams sa taon na yun.