Bumagsak ng 65% ang shares ng Kioxia Holdings Corp. mula sa peak nitong June. Dahil dito, maraming nagsa-speculate na baka pabilisin ng Japanese memory chipmaker ang dividend payout at mag-launch ng share buybacks.
Nasa ¥245 billion na ang nabura sa market value simula nang umabot sa tuktok ang Kioxia noong June 22. Saglit ding naging pinakamatayog ang stock sa Japan bago nagsimula ang pagbagsak.
Mula Boom Hanggang Bagsak
Na-lista ang Kioxia sa Tokyo Stock Exchange noong December 2024 at nagsimula nang tumaas ang hype nito hanggang 2025, habang maraming data centers ang nagmamadaling kumuha ng NAND flash memory para sa AI expansion. Lumipad ang shares ng higit 500% sa taon na yon. Lalo pang bumilis ang rally pagpasok ng 2026 dahil sa kakulangan ng memory supply at tumaas nang matindi ang kita ng Kioxia.
Noong June 22, naabot ng stock ang all-time high na ¥112,700. Saglit nitong in-overtake ang Toyota Motor sa market capitalization, kaya naging top listed company sa Japan ang Kioxia.
Kahit up pa ng 269% YTD, grabe ang taas-baba ng Kioxia ngayong taon. Image Source: Trading View
Pagdating ng July, kumalat ang selloff ng mga AI-related stocks sa buong mundo. Nagsimula nang mag-alangan ang investors dahil sabay-sabay ang pwestuhan at nabawasan ang momentum ng AI trade. Sumabay pa na tinaasan ng mga Chinese NAND manufacturers ang supply kaya natakot ang merkado na baka di na magtagal ang presyo ng Kioxia.
Lumubog ang stock kasabay ng mga kakumpitensya sa South Korea na SK Hynix at Samsung. Pareho silang nag-log ng double-digit na pagbagsak noong linggong lalong nabalot ng panic ang Kioxia stock.
Share Buybacks, Posibleng Senyales ng Kumpiyansa
Sabi ng mga analyst, umabot na ang presyo ng shares sa level kung saan mas madali nang mag-justify ng buyback. Posibleng gawin ito kasabay ng dividend plan na inanunsyo ng management nung investor day last June.
Sinabi ng Kioxia noong May na priority pa rin nila ang dividends. Pero iniwanan ng management ng kalayaan ang kumpanya na maging flexible, kasama ang posibleng share buybacks, depende sa sitwasyon. Sabi ng company spokesperson, pinag-aaralan pa rin nila ang buybacks at wala pa silang final na desisyon.
Para kay Ikuo Mitsui, isang fund manager sa Aizawa Securities, importante rin ang dahilan ng buyback — hindi lang yung mismong galaw.
“Pwedeng mag-signal ang buyback na tingin ng management na oversold na ang stock.”
— Ikuo Mitsui, Bloomberg
Malaki rin ang kinikita ng Kioxia ngayon kaya may lakas pa silang gumalaw. Ayon kay SK Kim, analyst sa Daiwa Securities Capital Markets Korea, nakatulong ang mga solid long-term supply deals at steady demand mula sa mga data center, kaya tuloy-tuloy ang free cash flow nila.
Paliwanag pa ni Kim, mas malakas na shareholder returns ang pwedeng magdala ng bagong hype sa stock — hindi lang para sa growth investors at hedge funds, pati value investors din pwede nang pumasok.
Nangyari ang matinding pagbagsak na ito sabay din sa AI chip selloff na nagpadapa ng stock ng Kioxia ng 45% noong nakaraang buwan. Lalong lumakas ang pressure dahil na rin sa tumitinding competition mula sa China. Marami ring epekto ang mga ganitong galaw sa SK Hynix at Samsung sa South Korea.
Magre-report ng fiscal first-quarter results ang Kioxia sa Friday. Maraming investor ang nakaabang kung kailan exacto ang dividend payout at kung gagawin na ngang opisyal ang share buyback policy.