Ibinalita ng Bloomberg na nagbenta ang Reserve Bank of India (RBI) ng nasa $7 billion dollars noong isang Biyernes para buhusan ng suporta ang rupee at hindi ito tuluyang bumagsak, ayon sa mga source na malapit sa issue.
Nag-trade ang rupee sa 95.6 kada $1 nitong Huwebes, na mga 1.4% na lang ang layo sa kanyang record low. Nasa 5.87% na ang ibinagsak ng currency laban sa dollar sa 2026.
Performance ng Indian Rupee kumpara sa US Dollar sa 2026. Source: Google FinanceMas Malalim na Silip sa Pinakamalaking Intervention ng RBI para sa Rupee sa Ilang Buwan
Ayon sa report, kabilang ang move na ito ng central bank sa pinakamalalaking direct intervention nila nitong mga nakaraang buwan. Nag-intervene ang central bank sabay sa onshore at offshore markets para tugunan ang pag-slide ng currency na halos matapat na sa record low nito last May na 96.96 kada $1.
Base sa mga senior banker na nakausap ng Reuters, nasa $8 billion hanggang $9 billion daw ang naibenta nilang dollars noong Biyernes. Pagkatapos pa nito, nagkaroon pa ng follow-up na bentahan ng dollars noong Monday at Tuesday na siya namang nagdala sa rupee pabalik ng mahigit 96 kada dollar.
Samantala, pumalo na sa $676.2 billion ang foreign exchange reserves ng India nitong July 17, tumaas ng mahigit $9 billion sa loob lang ng tatlong linggo.
I-follow kami sa X para laging updated sa pinakabagong balita
Sunod-Sunod ang Dollar Sales ng RBI sa Loob ng Tatlong Buwan
Itong pinakabagong intervention ng RBI, dagdag pa sa ilang buwang puro bentahan ng dollars. Sa official data ng RBI, umabot sa netong $9.76 billion ang naibentang dollars noong Marso, $8.94 billion noong Abril, at $6.1 billion naman noong May.
Sa buwan ng May lang, bumili ng $22.2 billion ang RBI at nagbenta ng $28.3 billion ayon sa Reuters. Pero hindi lang nakadepende ang RBI sa dollar sales para suportahan ang rupee.
Pinagsabay nila ang interventions sa ilang policy changes para maka-attract ng inflows. Mukhang effective ang strategy na ito. Bumili ang foreign funds ng $1.3 billion ng Indian equities ngayong linggo hanggang July 9—pinakamalaking bili mula June 2025. Sabi naman ng Goldman Sachs, inaasahan nilang makakatulong pa lalo ang mga hakbang ng RBI at posibleng bumabang presyo ng oil para suportahan ang rupee.
Baka maging matibay ang depensa ng RBI depende sa magiging galaw ng oil prices at dami ng pumapasok na puhunan mula abroad. Sa ngayon, mukhang kaya pa ng RBI magbenta ng dollars dahil tumataas ang reserves nila.