Sabi ni Canadian Prime Minister Mark Carney, magre-resume lang ang trade talks ng Canada at US kung hihinto na ang mga opisyal ng Amerika sa pagpo-post ng memes at kung seseryosohin na nila ang usapan.
Nagsalita siya sa Ottawa nitong Martes. Ilang araw na lang at mag-uumpisa na ang mga retaliatory tariffs ng Canada, pero wala pa ring nakaschedule na meeting kahit na bumagsak ang negosasyon noong Agosto.
Bakit Bumagsak ang Negosasyon ng US-Canada Trade
Umalis ang Canada noong August 21 at pinauwi ang kanilang mga negotiator. Sabi ni Carney, gusto ng Washington na gawing parang subsidiaries ng mga kumpanya sa US ang Canadian industries, o kaya ipasara na lang. Hindi siya pumayag dito.
Bumawi ang US kinabukasan, nagpatong sila ng 50% tariff sa mga Canadian goods na nasa $20 billion ang halaga. Malaki pakinggan pero nasa 5% lang ito ng $382 billion na pinadala ng Canada papunta sa US noong nakaraang taon, ayon sa US Census Bureau.
Ginamit ng White House para dito ang Section 338 ng Tariff Act of 1930. Pinapayagan ng batas na ito ang Presidente na magpataw ng buwis sa mga bansang nagdi-discriminate sa US exporters. Pero never pa itong nagamit dati.
Prime Minister Mark Carney told reporters that the United States needs to start being serious and 'stop throwing shade' before talks on a possible trade deal with Canada can restart https://t.co/6qeyBUR8e9 pic.twitter.com/5rYrBLa86v
— Reuters (@Reuters) September 1, 2026
Pilitan ang naging sitwasyon. Noong February, binawi ng Supreme Court ang mga Trump tariffs na base sa 1977 emergency law. Naka-cap sa 50% ang Section 338 duties kaya sinagad ito ni Trump.
“Parang blanco ang batas na to kasi never pa siyang nai-test sa korte,” sabi ni Ryan Majerus, partner sa law firm na King & Spalding at dating US trade official.
I-follow kami sa X para laging updated sa mga balita!
Literal na Meme War ang Nagdidikta ng Labanan Ngayon
Noong August 27, pumirma si Trump ng order na tinatawag nang “Lake America” ang Lake Ontario para sa government use nila. Nag-post pa siya ng AI video na may mga Canada geese na naka-hairstyle niya at may armas. Pinagtawanan din ng Treasury Secretary na si Scott Bessent ang navy ng Canada sa CNBC.
⚠️ TDS TRIGGER WARNING: Lake America is officially on the map. ????????????
Whats next？ pic.twitter.com/YCQoBXpt79
— The White House (@WhiteHouse) August 27, 2026
Hindi tinanggap ng Canada at ng ibang bansa ang pagbabago, at Lake Ontario pa rin ang tawag nila.
“Kapag tumigil na ang mga Amerikano sa pag-meme, tigilan na ang pa-cool, at naging seryoso na sa pag-uusap, doon pa lang mag-uumpisa ulit ang usapan,” sabi ni Carney nitong Martes sa Ottawa.
September 8 magpapasa ng sagot ang Canada, at magpapatong sila ng tax sa mahigit 700 US products na sumasakop ng C$27.6 billion na trade.
Totoo ang epekto nito, lalo nat ang softwood lumber duties sa Canadian imports ay umabot na sa 45%, ayon mismo sa National Association of Home Builders.
Mamamatyagan kung mananatili ang tariffs na ito sa September 8, o gagamitin ba itong bargaining chip. Mas matinding signal ito kaysa kahit anong post o meme.